وجه أحد العسكريين في الجيش اللبناني رسالة عبر مواقع التواصل الاجتماعي، جاء فيها: “أنا عسكري في الجيش اللبناني وبيتي اجار ومتل هل عالم عندي دفع اشتراك وماي وكهرباء لي ماعم شوفها والحمد لله مضمون وكلو تمام لدرجة اني وصلت حرارتي للـ ٤٠ ما حدا سأل عني رحت صيدلية المدنية حطت بس حق بنادول والتهابات ٢٤٠ تاني يوم رجعت جبت سيركام للضراس حقه ٩٠ و كلو من جيبتي وانا مضمون. لقمة متل العالم ما عاد في، اجار طريق بيقص الروح، برد شتاء وصقعة والبهدلة كلو عم يطلع فيني تحت كلمة انت عسكري. انا عسكري بس بنفس الوقت انسان انا عسكري مش عم اطلب منكم الا ابسط حقوقي و هي اني بس اقدر اكل واشرب بلخدمة مش بلبيت كرمال تقدر قوم بي شغلي معاشي مليون و٢٦٠ الف، ٨٠٠ اشتراك ٤٠٠ اجار بيت تلفونان ١٥٠ الف وهيدا اساس ما شلت اكل وشرب للبيت ولا اجار طريق للخدمة ولا اكل حتى اقدر قوم بواجبي. مني طالب مساعدة من حدا ولا بدي حدا يقدملي شيء. بدي بس حدا يطلع فينا يشوف نحنا وين صرنا لك نحنا مش بخير نحنا عايشين برحمة الله و دعاء اهلنا. مني طالب مساعدة من حدا ولا بدي حدا يقدملي شيء بدي بس هل عالم تعرف انو نحنا مش بخير نحنا تعبانة نحنا فرطنا. ١٤٠ الف كل ٥ ايام بدي اجار طريق هيدا اذا شوفير رحمني. غير الأكل وشرب  بالنهاية اهلي وخالي مش دايمين بس يتذكرونا انو نحنا الجيش نحنا لي رح ننحط بوج العدوان نحنا لي رح ننكب بوج ايا مخل بي امن البلد والوطن. اقسمنا اليمين انو نحافظ على علم بلادنا وعن ارضنا وعرضنا ونصون الحدود و نردع العدو. بس نحنا تعبنا واحنا عم ندوب شوي شوي لك وين هل عالم وين هل دني تتطلع فينا وتشوف حالتنا حسبي الله ونعم الوكيل”.

(الديار)